Дун пикрабалъ вуго киндай ургъила, угъращасе медаль магIданул тIела

article1111.jpg

 

Адам Аварав

9 июля

facebook.com/profile.php?id=100007946956397&fref=ts

 

Дун пикрабалъ вуго киндай ургъила,
Угъращасе медаль магIданул тIела,
ТIаса бахъулареб хъалада бараб,
Хъанч киндай букIина кIутIун надалда.

 

Дун гьаглъулев вуго лъаларо нуж кин,
Лъадуца суалдай гьасий кьолареб.
Кьварарав бахIарчи, боснов лъикI лъалев,
Лъида гъоркь вегундай дуй орден щвараб…

 

Щаклъулев вуго дун, дир бетIер сверун,
Санал ун дий щвараб щокълъидай буго.
Щвараб жо босилин, намус тей гуреб,
Героясул цIвагун, цIукIа хъитIидал...

 

Хъат кьабула гьасий, гьура ахIула,
АхIмакъазул тIелалъ, хурхун къвал бала.
Къулула гIодоре, гIи-боцIул къадру,
Къвалакье вачуна, убачаз цIола.

 

ЦIехоларо гьасда гьунар кинабдай,
Гьабураб хIалкIолъи, бахIарчилъи щиб...
Щайха мун батIаго тIаса вищарав,
ТIолгоязда гъорлъан гъозий вокьарав…

 

Кьоларо цо суал, санал гьоркьор ун,
Кьезе батилилан жидейги медаль.
Жигар цIакъ бахъула, нахъе ккеларин,
Квешаб гьасул гIамал, гIунги тIокIабин.

 

ГIемеразда лъалеб, лъанги руцIцIун чIун,
ЦIакъалин ккараца кирдай цIала нилъ.
ЦIарал росулеца, гьел ричулеца,
Рачун кирдай щвела, щва дун ракIалде.

 

РакIарун руго халкъ, хассаб данделъи,
Лъала киназдаго "кандидат" щиван.
Каранда орденгун герой кIалъана,
КIвар бахъилин жеги, жинда божулел.

 

Баркула мацIихъан, хъабхъил орден дур,
Хъазе анищ гьелда гьерсихъанги мун.
Гьарула батIаго тIокIлъи махщалилъ,
Лъималахъеги кье, кьибил цIикIине…

Рейтинг: 0 Голосов: 0 219 просмотров

Нет комментариев. Ваш будет первым!

Яндекс.Метрика