Гьав щайда вач1арав ,дов рич1алъарав..
Рич1ч1алда гъун гурел,гъунки бук1ине,
Гъов арасги теч1о,гьасги бач1инч1о.
Дида бич1ч1уларо,дуда бич1ч1улищ,
Вач1унаго асул ах1и бук1араб.
Анжи хъалаялда хъулбиги риххун,
Хъваг1ан рац1инилан,ралъдал раг1алал.
Дида бич1ч1уларо,дуда бич1ч1улищ,
Реч1ч1улаго хъамун,хъублъаби гъеч1ел.
Хъах1лъараб бот1рода т1ад кверги бахъун,
Михъал ч1ег1ерица ч1езе гьавундай.
Дида бич1ч1уларо,дуда бич1ч1улищ,
Байбихьун х1алт1из х1арамзадаби.
Х1ухьел ц1азе заман,забаниятал,
Толарого цере лъица рук1арал...
Дида бич1ч1уларо,дуда бич1ч1улищ,
Бугеб х1аракатха,х1инкъун хъурщулел.
Хъублъи бахчизелъун кутуца г1адин,
Квач1аца хачалел,хехго ракь хъвалел.
Дида бич1ч1уларо ,дуда бич1ч1улищ,
Бач1анин ккарабго,кинабго хвараб,
Канлъи бихьилилан тунел бахиндал,
Бигъун цебе турут толел жанирго.
Дида бич1ч1уларо,дуда бич1ч1улищ,
Буголъи хъамурав,хъулухъ к1удаб кьун.
Кьабурав буголъи,бечед вук1ине,
Вачун ц1адакьагун.гонгикь вит1улев.
Дида бич1ч1уларо .дуда бич1ч1улищ,
Бараб чам сонилан ,цабиги рик1к1ун.
Цойги щуго соналъ,щвараб х1анч1еян,
Х1ал бугин жегиян,жен ,илбис хисун.
Дидаги бич1ч1ич1о,бич1ч1ун мунги ч1ун,
Ч1алг1ине теларо нилъеда г1умро.
Г1ияда вехь тола,т1алаб гьабизе,
Т1ад ругез нилъейги,лълъут1ун гьебго жо.
Гьанжеги бич1ч1ич1о,бач1араб заман,
Зато точно лъала,лъугьинч1о щибго.
Рищват бак1аризе к1иго моц1ги кьун,
Кьалде нилъ т1амулеб,ц1оцебе указ.
Кинан батаниги,божилъи холеб,,
Ахиралда гурищ,щибха гьабилеб.
Гьадасги ричана,гьавги чарлъана,
Хал ккун,чанкъан ч1елин,ч1оларо дир рак1,
Нухъаялъ,нухъил бер,бахъун раг1ич1о.
